Advertisement
Advertisement
Advertisement
Advertisement

Guring di Travel

R
Penulis: Radar Sampit❯

ilustrasi Ongol/dok.radarsampit


Advertisement

ilustrasi Ongol/dok.radarsampit

Si Ongol mandadak tulak ka Banjarmasin, lantaran undangan julaknya yang ada hajatan bakawinan. Ongol ne batulakan sakali ini umpat mobil travel. Inya tulak surangan. Samantara bininya haur, kada kawa maniggalakan rumah.

“Hati-hati bang lah di jalan, salam ja gasan julak, ulun kada kawa umpat. Haur baharaguan di rumah,” ujar bini Ongol si Aluh Lintak sambil manjulung rantang baisi makanan, pas lakinya bapamitan tulak di jemput mobil travel.

Advertisement

Jangan kada ingat, makanan itu amun sampai palangka ja pian makan. Jangan talambat makan,” ujar bini Ongol mambari perhatian lawan laki.

Ongol ne sekalinya rancak mabuk darat amun  bajalan jauh naik mobil. Amun lambat manginum obat anti mabuk bisa cagaran muntah tu pang di jalan. Tapi, sakali ini Ongol sudah maantisipasi, sabalum naik travel inya baistilah manginum pil anti mabuk dua biji.

Pas hanyar bajalan kaluar Kampung Liur travelnya, sudah barat mata Ongol ne nang duduk di kursi tangah pas di balakang supir. Padang sayu matanya sampat ja inya batakun lawan panumpang lainnya.

Advertisement

“Handak ka mana pian mang?” takun Ongol lawan urang nang pina tuha pada inya di sebelah. “Aku handak ka banjar sanak ai, ada kaparluan,” sahut amang tu.

“Lawas kah lagi sampai ka Palangka lah?” ujar Ongol pulang sambil manguap. “Baluman lagi, sanak, lawas lagi neh,” sahut amang pulang.

Lalu badiam Ongol ni, mengantuk banar sudah pinanya. Tapi sabalum inya taguring, sampat pulang batakun sakali lagi, lawan urang disebalahnya ngitu. “Parak sampai Palangka Kah?” jar Ongol sambil manguap. Rupanya amang saikung tu, paham amun si Ongol ne padang mangantuk. “Astaa, baluman lagi, ayuja ikam mun handak guring. Kena amun sampai kupadahi,” ujar amang tu manyahut.

Guringai si Ongol tadi di perjalanan. Sakalinya amang dihiganya tu taguring jua. Pas  masuk sampai Banjar, tabangun amang tadi. Ongol maka masih taguring ja, lantaran kabanyakan mamakan pil anti mabuk tadi.

Advertisement
Sudahkah Anda mengikuti channel whatsapp kami?
WhatsApp
Radar SampitIkuti

Jadilah pembaca setia, gabung sekarang juga di channel kami!


Artikel Terkait

Sopir Travel Mesum Berujung Divonis Penjara. Lakukan Aksi ketika Berduaan dengan Penumpang

Sopir Travel Mesum Berujung Divonis Penjara. Lakukan Aksi ketika Berduaan dengan Penumpang

Aksi mesum seorang sopir terhadap penumpang travel berusia 17 tahun berakhir dengan vonis dua tahun penjara oleh Pengadilan Negeri Sampit

Meucapkan Ulang Tahun

Meucapkan Ulang Tahun

Pambakal Kampung Liur yakni si Haji Untat  cagaran ulang tahun. Nah, sahabat seangkatan sidin yakni Haji Walet handak mambari ucapan

Lomba Meolah Wadai

Lomba Meolah Wadai

Menyambut hari kemerdekaan Republik Indonesia ke 81, bubuhan di kampung liur rami juga maadakan lomba 17an, yakni setiap RT meolah wadai

Advertisement

Berita Terkini

Advertisement

Populer